Grazas a unha invitación de Mercedes Ruiz realicei esta proposta didáctica , convídovos a participar con ela no proxecto Wonder, e compartir os resultados animados dos teus alumnos e alumnas no blogue "Contamos con eMOTION" #EDUmaridaje
Olivia (Via) a irmá maior de August adora ao seu irmán, aínda que algunhas veces sente que é desprazada por el. Para ela August é o sol e todos viran ao redor del, como os planetas.
A proposta desta actividade parte da mirada de Via, sobre como ela ve a August. Nunha pasaxe realiza unha descrición obxectiva do seu aspecto, pero afirma non velo como o resto da xente. Ela sabe que o esencial non é visible aos ollos.
Anímote a realizar o teu autorretrato esencial e transformalo nun elemento ou figura que che defina a modo de metáfora, quen es en realidade?, mira máis aló do simple envoltorio no que se basea a nosa aparencia exterior. Crea unha metáfora animada para entender como es coa app "animation desk" (a súa descarga é gratuíta para Android e para IOS) Descobre o animador que levas dentro!.
Observa este exemplo para inspirarte, http://gph.is/2gDrESE esta aloxado na plataforma GHIPY onde podes colgar os teus gifs e compartilos en twitter co hashtag #soyxqsomos
Esta é a miña proposta didáctica para a película "el olivo" , unha fermosa historia para os que cremos que un mundo mellor é posible. Unha auténtica xoia da arte audiovisual dirixida por ICIAR BOLLAIN é candidata a 14 nomeamentos aos premios Goya.
Se queredes podedes compartila , ou utilizala para traballar na aula, unha proposta que vos animo a facer e compartir: no espazo colaborativo Contamos con eMotion e na rede co hashtag #elolivoedu #elolivo
Grazas a Mercedes @londones por incluírme nesta gran aventura colaborativa na que estamos metidos unha marea de profesores de todos os recunchos da península, viva a arte en clave AUDIOVISUAL.
PhotoPuppet HD é unha sinxela aplicación de IOS que lle vai a dar vida ás vosas historias ou proxectos animados .
As vantaxes desta aplicación son:
Permíteche traballar coas ilustracións ou gráficos do teu alumnado
Non necesitas coñecementos técnicos de animación .
É unha aplicación moi sinxela
Nuns minutos aprenderás a usala, os resultados son inmediatos.
Unha nota importante:
Cando fotografes ou captures as ilustracións, recorta previamente os debuxos e colócaos sobre un fondo contrastado para que sexa máis doado separar a figura do fondo.
Primeiro crea un guión , despois o Animatic , exporta os teus trociños de animación e xúntaos cun editor de vídeo.
Déixovos dous exemplos de animacións realizadas polo meu alumnado con este aplicación.
*PHOTOPUPPET es una sencilla aplicación de IOS que os ayudará a darle vida a vuestras historias .
Las ventajas de esta aplicación son:
Te permite trabajar con las ilustraciones de tu alumnado.
No necesitas conocimientos técnicos de animación. Es una aplicación muy sencilla, en unos minutos aprenderás a usarla.
Una nota importante:
Cuando fotografíes o captures las ilustraciones , recórtalas previamente y colócalas sobre un fondo contrastado para que sea más sencillo separar la figura del fondo.
Os dejo dos ejemplos de animaciones realizadas por mi alumnado con este aplicación.
Déixovos esta entrada con dous exemplos de animacións realizadas este curso polo alumnado de 3º ESO e 4º ESO coa técnica da rotoscopia.
A rotoscopia consiste en debuxar os fotogramas uno a un a partir dun vídeo orixinal .
O proceso para realizala comeza coa gravación do vídeo do que queremos animar.
Despois de gravar o vídeo procederemos á fragmentación deste en imaxes , para que o movemento sexa natural o ideal é capturar 24 imaxes por cada segundo de animación , aínda que con 9 nós conseguimos un mínimo movemento.
Ao terminar de capturar as imaxes ou exportalas co imovie imprimímolas , os meus alumnos e alumnas realizaron a animación a man debuxando un a un cada frame en papel vexetal .
Coas novas imaxes ( escaneadas ou fotografadas unha a unha co móbil, tablet ou unha cámara ) creamos a animación , podes realizala co mesmo software que utilizas para realizar un stop motion , desde o monkey jam para windows ou o frame , o propio imovie para mac ou movie maker para windows.
Este 8 de marzo decidimos resucitar á marabillosa Maruja Mallo, muller, artista e galega , para iso só necesitamos:
Un editor de fotos , Gimp para montar as imaxes fixas en cruz .
Para animar o noso holograma o software libre, Vectorian Giotto.
Un editor de vídeo para xuntar o noso traballo.
Por último unhas láminas de acetato, para proxectar o vídeo do noso computador nas paredes dunha pirámide truncada. Se queres ver a EXPERIENCIA COMPLETA , VER LIGAZÓN
"Metamorphosis " Primeiras animacións con vectorian giotto en 3º ESO C , dentro do software 2D LIBRE , este é un dos mais agradecidos. Ao exportar a animación faino en formato flash, nós cambiámolo a mov co conversor swivel. Deixo aquí a páxina cos tutoriais : http://framebyframe.hol.es/software/giotto1.html .
